Ուկրաինայի իշխանությունները չեն ներկայացնում երկրի հարավ-արևելքի բնակչությանը և, հետևաբար, չեն կարող հավակնել երկրի տարածքային ամբողջականությանը։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը
Magyar Nemzet-ին տված հարցազրույցում։
Լավրովը հիշեցրել է, որ դեռևս 1970 թվականին ՄԱԿ-ի Գլխավոր ասամբլեան ընդունել է Միջազգային իրավունքի սկզբունքների մասին հռչակագիրը։
«Այն նշում է, որ տարածքային ամբողջականության սկզբունքը վերաբերում է այն պետություններին, որոնց կառավարությունները հարգում են ժողովուրդների հավասարության և ինքնորոշման սկզբունքը», - հիշեցրել է նա։
Նախարարը նշել է, որ Ուկրաինայի իշխանությունները հաշվի չեն առել երկրի ռուսալեզու շրջանների բնակիչների ինքնորոշման իրավունքը, հետևաբար չեն կարող հույս դնել տարածքային ամբողջականության սկզբունքի կիրառման վրա։
