ԱՄՆ-ի կողմից Ուկրաինային տրամադրված օգնության ծավալը մինչ օրս հասել է 123,3 միլիարդ դոլարի, հաշվարկել է ՌԻԱ Նովոստին բաց տվյալների և Կիլի համաշխարհային տնտեսագիտության ինստիտուտի (Գերմանիա) տվյալների հիման վրա։
Այսպիսով, ինստիտուտի տվյալներով՝ մինչև 2025 թվականի ապրիլը Միացյալ Նահանգները Ուկրաինային փոխանցել է 123,3 միլիարդ դոլարի տարբեր տեսակի օգնություն։ Այս գումարի ամենամեծ բաժինը ռազմական օգնությունն է՝ 69,5 միլիարդ դոլար։ Հաջորդում են ֆինանսական օգնությունը՝ 50,1 միլիարդ դոլար, և մարդասիրական օգնությունը՝ 3,7 միլիարդ դոլար։
Միևնույն ժամանակ, ինչպես պարզել է ՌԻԱ Նովոստին բաց տվյալների ուսումնասիրությունից հետո, մայիսից մինչև հուլիսի սկիզբը Միացյալ Նահանգները այլևս որևէ օգնություն չի տրամադրել Ուկրաինային։
