ԲՐԻԿՍ երկրների առաջնորդները հռչակագիր են ընդունել արհեստական ինտելեկտի (ԱԻ) գլոբալ կառավարման վերաբերյալ, որում նրանք հայտնել են իրենց մտադրությունը՝ խթանելու միջազգային սկզբունքների մշակումը՝ ԱԻ տեխնոլոգիաների մշակման և կիրառման համար, որոնք կենտրոնացած են ներառականության, կայունության և մարդու իրավունքների հարգման վրա։
«Արհեստական բանականության գլոբալ կառավարումը պետք է մեղմացնի հնարավոր ռիսկերը և բավարարի բոլոր երկրների, մասնավորապես՝ Հարավի երկրների կարիքները», - ասվում է Բրազիլիայի կառավարության կողմից հրապարակված փաստաթղթում։
Հռչակագրի համաձայն՝ կառավարման մեխանիզմները պետք է համապատասխանեն ազգային նորմատիվ կառուցվածքներին և ՄԱԿ-ի կանոնադրությանը, հարգեն ինքնիշխանությունը, լինեն ներկայացուցչական, զարգացմանը միտված, մատչելի, ներառական, դինամիկ, թափանցիկ և անվտանգ։
