Իրան-Իսրայել հակամարտությունը չպետք է կրկնվի, քանի որ ուժի հետագա կիրառումը կհանգեցնի ավելի մեծ ատելության և լարվածության սրման, հայտարարել է Չինաստանի արտաքին գործերի նախարար Վան Ին։
«Իսրայելի և Իրանի միջև վերջերս տեղի ունեցած ռազմական հակամարտությունը չպետք է կրկնվի, քանի որ պատերազմը չի լուծի Իրանի միջուկային ծրագրի խնդիրը։
Եվ կանխարգելիչ հարվածը ակնհայտորեն կզրկվի լեգիտիմությունից և կհամարվի ուժի կամայական կիրառում, որը միայն կհանգեցնի ավելի մեծ հակամարտության և ավելի մեծ ատելության կուտակման», - ասել է նա Փարիզում՝ Ֆրանսիայի արտաքին գործերի նախարար Ժան-Նոել Բարոյի հետ համատեղ մամուլի ասուլիսում։
Վան Իի խոսքով՝ ուժը պետք է կիրառվի խաղաղ շահերի համար, այլ ոչ թե դրա միջոցով սեփական իրավունքն ապացուցելու համար։ Չինացի դիվանագետը նաև մատնանշել է պաղեստինյան հարցի և Գազայի հատվածում հակամարտության լուծման անհրաժեշտությունը, որը «չի կարող մղվել երկրորդ պլան»։
