Պաղեստինյան ՀԱՄԱՍ շարժումը միջնորդներին պատասխանել է Գազայի հատվածում հրադադարի վերջին առաջարկին։
«ՀԱՄԱՍ-ը իր պատասխանը փոխանցել է միջնորդներին, շարժումը պատրաստ է անմիջապես սկսել բանակցություններ քննարկվող առաջարկության իրականացման վերաբերյալ», - ասվում է արմատականների կողմից իրենց Telegram ալիքում հրապարակված հայտարարության մեջ: Նրանց խոսքով՝ որոշումը կայացվել է «բոլոր պաղեստինյան խմբակցությունների հետ խորհրդակցություններից հետո»:
ՀԱՄԱՍ-ը հավելել է, որ իր պատասխանը դրական է, սակայն մանրամասներ չի հայտնել:
Միևնույն ժամանակ, եգիպտական «Ալ-Քահիրա ալ-Իխբարիա» հեռուստաալիքը, հղում անելով աղբյուրներին, հաղորդել է, որ Կահիրեն և Դոհան «շարունակում են ջանքերը՝ Գազայի հարցում համաձայնության հասնելու համար»։
