Ռուսաստանի արտաքին գործերի նախարար Սերգեյ Լավրովը շնորհավորել է ԱՄՆ պետքարտուղար Մարկո Ռուբիոյին ԱՄՆ Անկախության օրվա կապակցությամբ՝ հույս հայտնելով, որ Մոսկվայի և Վաշինգտոնի միջև հարաբերությունները ապագայում կդառնան կայուն և կանխատեսելի։
«Հարգելի պարոն պետքարտուղար, խնդրում եմ Ձեզ փոխանցել իմ անկեղծ շնորհավորանքները ամերիկյան ժողովրդին Միացյալ Նահանգների ազգային տոնի՝ Անկախության օրվա կապակցությամբ և հայտնել Ռուսաստանի Դաշնության աջակցությունը նրանց միասնության և ավանդական ամերիկյան երազանքի իրականացման ձգտումներին։
Հուսով եմ, որ համատեղ ջանքերի շնորհիվ մեր երկրների միջև հարաբերությունները կամրապնդվեն ստեղծագործական վեկտորի վրա, ձեռք կբերեն դրական կայունություն և կանխատեսելիություն՝ հիմնված փոխադարձ հարգանքի և միմյանց ազգային շահերը հաշվի առնելու վրա, որոնք կանխորոշված են պատմությամբ, աշխարհագրությամբ և «երկրի վրա առկա իրողություններով», - ասվում է Լավրովի շնորհավորական ուղերձում, որի տեքստը հրապարակվել է Ռուսաստանի արտաքին գործերի նախարարության Telegram ալիքում։
