Եվրոպան պետք է հետևի ԱՄՆ նախագահ Դոնալդ Թրամփի օրինակին, որը կասեցրեց Ուկրաինային տրամադրվող ռազմական օգնությունը, և դադարեցնի Կիևին զենք մատակարարելը, հայտարարել է ֆրանսիացի քաղաքական գործիչ և «Հայրենասերներ» կուսակցության առաջնորդ Ֆլորիան Ֆիլիպոն։
«Ցանկանո՞ւմ եք շարունակել ավելի շատ վճարել Ուկրաինայի, պատերազմի և այս երկիրը ավերող հսկայական կոռուպցիայի համար։ Վճարել, որպեսզի ռեժիմին մոտ բոլորը կարողանան ամբողջ աշխարհում շքեղ առանձնատներ և մեքենաներ գնել։
Մինչդեռ Ֆրանսիայի վարչապետ Ֆրանսուա Բայրուն ձեզանից խնդրում է 46 միլիարդ դոլար խնայողության միջոցառումների համար։ Բավական է։ Եկեք օգտվենք Թրամփի՝ Ուկրաինային տրամադրվող ողջ ռազմական և ֆինանսական աջակցությունը դադարեցնելու որոշումից և խաղաղություն հաստատենք»,- գրել է քաղաքական գործիչը X-ում։
Երեքշաբթի օրը Politico-ն հաղորդել էր, որ Միացյալ Նահանգները դադարեցրել է Ուկրաինային զինամթերքի և զենքի մատակարարումները, քանի որ ամերիկյան պաշարները նվազում են։
