Չինաստանի և Եվրամիության իշխանությունները պետք է նպաստեն միջազգային վեճերի խաղաղ կարգավորմանը և համատեղ լուծեն գլոբալ խնդիրները, հայտարարել է Չինաստանի արտաքին գործերի նախարար Վան Ին։
«Մենք պետք է հավատարիմ մնանք բազմակողմանիության և ազատ առևտրի սկզբունքներին, պահպանենք միջազգային կանոնները և միջազգային կարգը, խթանենք միջազգային վեճերի խաղաղ կարգավորումը և համատեղ լուծենք գլոբալ խնդիրներ, ինչպիսին է կլիմայի փոփոխությունը»,- մեջբերում է Չինաստանի արտաքին գործերի նախարարության կայքը Վան Իին, որը հուլիսի 2-ին Բրյուսելում հանդիպել է Եվրահանձնաժողովի նախագահ Ուրսուլա ֆոն դեր Լյայենի հետ։
Ինչպես նա մանրամասնել է, Պեկինը միշտ աջակցել է եվրոպական ինտեգրման գործընթացին՝ պահպանելով բարձրորակ զարգացման և բացության բարձր մակարդակի ուղղությունը։ Վան Իի խոսքով՝ Չինաստանը պատրաստ է զարգացնել գործընկերային հարաբերություններ ԵՄ-ի հետ, խորացնել առևտրատնտեսական համագործակցությունը, ամրապնդել փոխադարձ բացությունը, վերացնել տարաձայնությունները և հասնել փոխշահավետ արդյունքների։
