Ֆրանսիայի նախագահ Էմանուել Մակրոնի և Ռուսաստանի նախագահ Վլադիմիր Պուտինի միջև հուլիսի 1-ին կայացած հեռախոսազրույցը վերջ դրեց երկարատև «շրջափակմանը» և լռությանը, որը եվրոպացի առաջնորդները պահպանում էին Ռուսաստանի առաջնորդի նկատմամբ, գրում է El País-ը։
Ինչպես նշում է թերթը, Եվրամիությունը մինչ այժմ խուսափել է Պուտինի հետ շփվելուց, բացառությամբ Հունգարիայի վարչապետ Վիկտոր Օրբանի և նրա սլովակ գործընկեր Ռոբերտ Ֆիցոյի։
Հուլիսի 1-ին Ռուսաստանի և Ֆրանսիայի առաջնորդները հեռախոսազրույց ունեցան գրեթե երեք տարվա ընթացքում առաջին անգամ։ Ելիսեյան պալատի հայտարարության համաձայն՝ զրույցը տևել է ավելի քան երկու ժամ։ Կրեմլի կողմից հաղորդված վերջին նման զրույցը տեղի է ունեցել 2022 թվականի սեպտեմբերի 11-ին։
