ԵՄ-ի 3 երկրները (Մեծ Բրիտանիա, Գերմանիա, Ֆրանսիա) պետք է լիովին վերականգնեն Իրանի դեմ պատժամիջոցները՝ Թեհրանի կողմից Ատոմային էներգիայի միջազգային գործակալության (ԱԷՄԳ) հետ համագործակցությունը դադարեցնելու որոշումից հետո, հայտարարել է Իսրայելի արտաքին գործերի նախարար Գիդեոն Սաարը։
«Ժամանակն է հենց հիմա ակտիվացնել վերականգնման մեխանիզմը (ենթադրում է Թեհրանի դեմ ՄԱԿ-ի Անվտանգության խորհրդի բոլոր պատժամիջոցների վերականգնում՝ կապված նրա միջուկային ծրագրի հետ): Ես կոչ եմ անում «եվրոպական եռյակի» երկրներին՝ Գերմանիային, Ֆրանսիային և Մեծ Բրիտանիային՝ վերականգնել Իրանի դեմ բոլոր պատժամիջոցները», - գրել է նա X-ում:
Սաարը իրանական կողմի՝ Ատոմային էներգիայի միջազգային գործակալության հետ համագործակցությունը դադարեցնելու որոշումը համարել է անպատշաճ։
«Սա միջուկային ոլորտում իր բոլոր միջազգային պարտավորություններից և պատասխանատվությունից լիակատար հրաժարում է։
