ԱՄՆ նախագահ Դոնալդ Թրամփը երկուշաբթի օրը ստորագրել է Սիրիայի դեմ միակողմանի պատժամիջոցների ռեժիմը չեղարկելու մասին գործադիր հրամանագիր, որը, սակայն, չի տարածվում այս արաբական երկրի նախկին առաջնորդ Բաշար ալ-Ասադի և նրա հետ կապված անձանց վրա: Փաստաթղթի տեքստը հրապարակել է Սպիտակ տան մամուլի ծառայությունը:
Ինչպես նշվում է, սահմանափակումները կչեղարկվեն հուլիսի 1-ից, և ԱՄՆ պետքարտուղար Մարկո Ռուբիոյին հանձնարարվել է հնարավորության դեպքում ապահովել, որ Դամասկոսի դեմ պատժամիջոցները նույնպես չեղարկվեն ՄԱԿ-ի շրջանակներում։
Բացի այդ, ԱՄՆ Պետդեպարտամենտի ղեկավարին հանձնարարվել է քննարկել Սիրիան ԱՄՆ-ի կողմից ահաբեկչությունը հովանավորող երկրների ցանկից հանելու հնարավորությունը։
Ռուբիոյին նաև հանձնարարվել էր ուսումնասիրել «Հայաթ Թահրիր ալ-Շամ» (Ռուսաստանում արգելված) խմբավորումը և դրա առաջնորդ Ահմեդ ալ-Շարաան ԱՄՆ սև ցուցակում պահելու նպատակահարմարությունը։
