Գործարար Իլոն Մասկը կոչ է արել երկրում ստեղծել նոր քաղաքական կուսակցություն՝ կրկնելով իր քննադատությունը ԱՄՆ նախագահ Դոնալդ Թրամփի ծախսերի կրճատման օրինագծի նկատմամբ։
«Այս օրինագծի վրա կատարված խելահեղ ծախսերը, որոնք պարտքը բարձրացնում են ռեկորդային 5 տրիլիոն դոլարով, հստակեցնում են, որ մենք ապրում ենք միակուսակցական պետությունում», - գրել է Մասկը X-ում։
Նա հավելել է, որ «ժամանակն է նոր քաղաքական կուսակցության», որը, նրա կարծիքով, «իսկապես կհոգա ժողովրդի մասին»։
Սա առաջին դեպքը չէ, որ գործարարը քննադատում է Սպիտակ տան կողմից նախաձեռնված պետական ծախսերը կրճատելու օրինագիծը։ Հունիսի 5-ին Թրամփը և Մասկը կոշտ դիտողություններ փոխանակեցին սոցիալական ցանցերում։
Ավելի ուշ Մասկը հայտարարեց, որ զղջում է Թրամփի մասին իր մի քանի թվիթների համար։ New York Post-ի Pod Force One փոդքասթի ժամանակ ԱՄՆ նախագահը նշեց, որ կարող է ներել Մասկին։
