Առնվազն 95 պաղեստինցի է զոհվել երկուշաբթի օրը Գազայի հատվածում Իսրայելի կողմից իրականացված օդային հարվածների հետևանքով, հաղորդում է Կատարի «Ալ Ջազիրա» հեռուստաալիքը։
Իսրայելական բանակը հարձակվել է Գազայի սրճարանների, հիվանդանոցի, դպրոցի և սննդի բաշխման կետերի վրա, որի հետևանքով զոհվել է առնվազն 95 պաղեստինցի և վիրավորվել են շատ ավելի շատերը, հայտնել է հեռուստաալիքը։
Հաղորդվում է, որ 39 մարդ է զոհվել Գազա քաղաքի հյուսիսում գտնվող ծովափնյա սրճարանի վրա Իսրայելի կողմից հասցված հարվածի հետևանքով, որը լի էր մարդկանցով, այդ թվում՝ կանանցով և երեխաներով, որոնք հավաքվել էին այնտեղ ծննդյան երեկույթի համար:
Երկուշաբթի օրը նաև իսրայելական ուժերը ռմբակոծել են Գազա քաղաքի Յաֆա դպրոցը, որտեղ ապաստան էին գտել հարյուրավոր տեղահանված պաղեստինցիներ:
Մարտի 18-ին Իսրայելի բանակը վերսկսեց ռազմական գործողությունները Գազայի հատվածում՝ սկսելով զանգվածային հարվածներ անկլավի դեմ և դադարեցնելով հունվարին հաստատված հրադադարը։
