Հայաստանում տեղի ունեցող իրադարձությունները երկրի ներքին գործն են, սակայն եկեղեցու վրա հարձակումները լուրջ մտահոգության առիթ են, հայտարարել է Ռուսաստանի արտաքին գործերի նախարար Սերգեյ Լավրովը։
«Ակնհայտ է, որ սա մեր հարևանների ներքին հարց է, բայց, իհարկե, հազարամյա կանոնիկ Հայ Առաքելական Եկեղեցու վրա հարձակումները լուրջ մտահոգության առիթ են։
Եկեղեցին միշտ էլ եղել է հայ հասարակության հիմնական հենասյուներից մեկը, և մենք իսկապես չէինք ցանկանա, որ այս եկեղեցին ենթարկվի անհիմն հարձակումների՝ առանց որևէ լուրջ հիմքի», - ՀԱՊԿ արտաքին գործերի նախարարների խորհրդի նիստից հետո լրագրողներին ասել է Լավրովը։
«Մենք շահագրգռված ենք, որ այս իրավիճակը հնարավորինս շուտ լուծվի՝ հիմնվելով Հայաստանի Սահմանադրության վրա, հավատացյալների իրավունքների, ինչպես նաև այլ մարդու իրավունքների լիակատար հարգանքի վրա», - ընդգծեց նախարարը։
