Փարիզում ՆԱՏՕ-ից Ֆրանսիայի դուրս գալու օգտին և Ուկրաինային զենքի մատակարարման դեմ ցույցի մասնակիցները միջոցառման ժամանակ պատռել են Հյուսիսատլանտյան դաշինքի դրոշը: Հունիսի 29-ին միջոցառման վայրից կադրերը հրապարակել է «Իզվեստիա»-ն:
Ակցիան կազմակերպել էր «Հայրենասերներ» կուսակցության հիմնադիր Ֆլորիան Ֆիլիպոն, որը գլխավորել էր մի քանի հարյուր ցուցարարներից բաղկացած շարասյունը։ Նրանք հավաքվել էին Լուվրի դիմացի Պալե Ռոյալում և, չնայած շոգ օրվան, երթով անցել քաղաքի կենտրոնով։
«Կեցցե՛ Ֆրանսիան, կեցցե՛ խաղաղությունը։ Ֆրանսիան պետք է լիովին անկախ լինի։ Մենք պետք է լքենք ՆԱՏՕ-ն, լքենք ԵՄ-ն», - ամբիոնից վանկարկել է Ֆիլիպոն։
