Վրաստանի Բաթումի քաղաքում ընթացող բռնցքամարտի՝ Իրակլի Աբաշիձեի անվան միջազգային մրցաշարում Հայաստանի 8 ներկայացուցիչ կպայքարի ոսկե մեդալի համար: Երկու քաշային կարգերում հայկական եզրափակիչ կլինի:
Եզրափակիչ են դուրս եկել 55 կգ քաշային Ռուսլան Ասլիկյանը, 60 կգ քաշայիներ Արթուր Սահակյանը և Ժիրայր Սարգսյանը, 65 կգ քաշայիններ Արթուր Շախպազյանը և Նարեկ Հովհաննիսյանը (այս քաշային կարգում 2 ենթախմբով է պայքարն ընթանում), 85 կգ քաշային Ռաֆայել Հովհաննիսյանը, 90 կգ քաշայիններ Դավիթ Սիմոնյանը և Նարեկ Մանասյանը։
Բարեղամ Հարությունյանը, Իշխան Հովսեփյանը, Արարատ Հարությունյանը և Համլետ Հարությունյանը պարտվել են կիսաեզրափակիչ մենամարտերում և բավարարվել են բրոնզե մեդալներով:
Եզրափակիչները կկայանան կիրակի՝ հունիսի 29-ին։
