Հնդկաստանը և Ռուսաստանը քննարկել են ռուսական S-400 հակաօդային պաշտպանության հրթիռային համակարգերի մատակարարումը, Սու-30 ՄԿԻ-ի արդիականացումը և կարճ ժամանակահատվածում կարևորագույն ռազմական տեխնիկայի ձեռքբերումը։ Այս մասին հայտնել է Հնդկաստանի պաշտպանության նախարարությունը՝ Չինաստանի Ցինդաո քաղաքում երկու երկրների պաշտպանական գերատեսչությունների ղեկավարներ Ռաջնաթ Սինգհի և Անդրեյ Բելոուսովի միջև կայացած հանդիպումից հետո։
«Սա երկու երկրների պաշտպանության նախարարների միջև վերջերս կայացած ամենակարևոր հանդիպումներից մեկն էր, որը տեղի ունեցավ «Սինդուր» գործողության և դրա հետևանքով առաջացած պաշտպանական արտադրության ավելացման անհրաժեշտության ֆոնին, հատկապես այնպիսի կարևոր ոլորտներում, ինչպիսիք են հակաօդային պաշտպանությունը, օդ-օդ դասի հրթիռները, ժամանակակից հնարավորությունները և ավիացիոն հարթակների արդիականացումը», - ասվում է գերատեսչության հայտարարության մեջ»:
«Հանդիպման հիմնական թեմաներից էին S-400 համակարգերի մատակարարումը, Սու-30 ՄԿԻ-ի արդիականացումը և կարճ ժամանակահատվածում կարևորագույն ռազմական տեխնիկայի ձեռքբերումը», - ընդգծել է գերատեսչությունը։
