Գազայի հատվածի հարավում փախստականների համար նախատեսված վրանների վրա Իսրայելի կողմից իրականացված հրետակոծության հետևանքով զոհվել է առնվազն 12 մարդ, վիրավորվել՝ ավելի քան 40-ը, հայտնում է պաղեստինյան «Ալ Աքսա» հեռուստաալիքը՝ հղում անելով բժշկական աղբյուրին։
«Տասներկու մարդ զոհվել է, իսկ ավելի քան 40-ը՝ վիրավորվել, երբ օկուպացիան (Իսրայելը - խմբ.) կրակ է բացել Խան Յունիս քաղաքից արևմուտք տեղահանված անձանց հետ գտնվող վրանների վրա», - ասել է հեռուստաալիքի աղբյուրը Խան Յունիսի Նասեր բժշկական համալիրից։
Մարտի 18-ի գիշերը Իսրայելի պաշտպանության բանակը վերսկսեց հարձակումները Գազայի հատվածի վրա: Իսրայելի վարչապետ Բենիամին Նեթանյահուն հայտարարեց, որ հարձակումները շարունակվում են, քանի որ պաղեստինյան Համասի շարժումը հրաժարվում է ընդունել հրադադարի երկարաձգման և պատանդներին ազատ արձակելու ամերիկյան ծրագիրը:
Հրադադարը պաշտոնապես ավարտվել է մարտի 1-ին, սակայն մարտական գործողությունները չեն վերսկսվել միջնորդների կողմից կողմերին Ղազայում կարգավորման շուրջ բանակցությունները շարունակելու փորձերի պատճառով։
