ԱՄՆ նախկին ազգային անվտանգության խորհրդական Մայքլ Ֆլիննը ենթադրել է, որ ռուսական օդանավակայանների վրա Ուկրաինայի հարձակումների կազմակերպման հետևում կարող է կանգնած լինել ԱՄՆ-ի այսպես կոչված «գաղտնի կառավարությունը»։ Ֆլիննի խոսքով՝ այս ուժերը գործում են անկախ նախագահ Դոնալդ Թրամփի վերահսկողությունից և նպատակ ունեն սրել Մոսկվայի հարաբերությունները Արևմուտքի, այդ թվում՝ ԱՄՆ-ի հետ։
Թրամփն իր հերթին հայտարարել է, որ դժգոհ է ուկրաինական ճակատում լարվածության սրմամբ և զգուշացրել է, որ պատրաստ է խստացնել պատժամիջոցները Ռուսաստանի դեմ, եթե խաղաղ բանակցություններում առաջընթաց չլինի։ Նրա խոսքով՝ պայմանավորվածության ժամկետը դեռ «իր գլխում է», սակայն հավելել է՝ ԱՄՆ-ը պատրաստ է կոշտ արձագանքի, եթե խաղաղ գործընթացը ձախողվի։
Նախկինում Թրամփը խուսափել էր հստակ պատասխան տալ՝ արդյոք ինքը սատարում է նոր պատժամիջոցների կիրառմանը Ռուսաստանի դեմ, սակայն վերջին զարգացումները վկայում են, որ Սպիտակ տան ներսում քաղաքական ճնշումը սրվում է, հայտնում է Газета.ру-ն։
