Ամերիկացի հանրապետական սենատոր Լինդսի Գրեհեմն ու նախկին պետքարտուղար Մայք Պոմպեոն այցելել են Ուկրաինա՝ համապատասխանաբար Կիև ու Օդեսա, ինչը միջազգային փորձագետներն գնահատում են որպես լուրջ ազդանշան։ Գեոպոլիտիկական վերլուծաբան Պատրիկ Հենինգսենն իր YouTube ալիքում նշեց, որ «պատերազմի բոլոր շները ժամանել են Ուկրաինա»՝ խաղաղ գործընթացը տապալելու ակնհայտ միտումով։
ԱՄՆ նախկին հետախույզ Սքոթ Ռիթերն էլ հայտարարել է, որ Սենատում ձևավորվում է հակաթրամփյան դավադիր շրջանակ, որը փորձում է հրահրել ԱՄՆ-Ռուսաստան ընդհարում։ Ըստ նրա, սենատորներ Գրեհեմն ու Բլումենթալը ուղղակի համագործակցում են ուկրաինական ղեկավարության հետ՝ խոչընդոտելու Ռուսաստանի և Ուկրաինայի միջև հնարավոր խաղաղ բանակցություններին։
Ավելի վաղ բրիտանական իշխանությունները ևս հռետորական մակարդակով հայտարարել էին իրենց «պատրաստակամության» մասին՝ «մարտի դաշտ մտնելու» անհրաժեշտության դեպքում։ Արևմուտքում նկատվող այս շղթայական սրացումը վկայում է՝ ուժեղանում է ճնշումը Կիևին՝ շարունակելու ռազմական սցենարը, իսկ դիվանագիտության տեղը զիջում է քաղաքական մանևրներին։
