Ռուսաստանը ուրախ է վերսկսել քաղաքական երկխոսությունը Հայաստանի հետ խորհրդարանական մակարդակով, հայտարարել է պաշտոնական այցով Հայաստան ժամանած ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն ԱԺ նախագահ Ալեն Սիմոնյանի հետ հանդիպման ժամանակ։
ՌԴ Դաշնային խորհրդի նախագահը հիշեցրել է, որ Ռուսաստանը շահագրգռված է Հայաստանի հետ բազմակողմանի համագործակցության զարգացմամբ և ընդլայնմամբ:
Երկու երկրների միջև հարաբերությունների պատմությունը հիմնված է ամուր բարեկամության և Ռուսաստանի ու Հայաստանի ժողովուրդների ավանդական մտերմության վրա, նշել է նա։«Այսօր մենք բնական դաշնակիցներ ենք: Մենք ռազմավարական գործընկերներ ենք»,– ընդգծել է Մատվիենկոն:
