Կրեմլը հայտարարել է, որ Ուկրաինայի հարձակումներին Ռուսաստանը պատասխանելու է «այն պահին, երբ իր զինվորականները նպատակահարմար կհամարեն»։ Հայտարարությունը հնչել է այն բանից հետո, երբ ուկրաինական դրոնները հարվածել են Սիբիրում և Հյուսիսում գտնվող ռուսական օդուժի ռազմաբազաներին՝ ոչնչացնելով TU-95 տեսակի ծանր ռմբակոծիչներ։
Պեսկովը նաև հաստատել է, որ նախագահ Պուտինը Դոնալդ Թրամփի հետ զրույցում ընդգծել է՝ Մոսկվան պարտավոր է հակահարված տալ՝ «պետական ահաբեկչություն» իրականացնող Կիևի ռեժիմին։ Սակայն Ռուսաստանի պնդումները, թե Ուկրաինան է կանգնած երկաթուղային կամուրջների պայթեցման հետևում, ապացուցված չեն, իսկ Կիևը՝ լռում է, հայտնում է Reuters-ը։
Չնայած լարվածությանը, Կրեմլը նշել է, որ Պուտինը շարունակում է լուրջ համարել արտաքին գործերի նախարար Լավրովի առաջարկը՝ պահպանել աշխատանքային շփումներ Ուկրաինայի հետ՝ խաղաղ գործընթացների շրջանակում։
