Վերջին 24 ժամվա ընթացքում Գազայի հատվածում Իսրայելի ռազմական գործողության հետևանքով զոհվել է առնվազն 70 և վիրավորվել մոտ 190 պաղեստինցի, հայտնել է անկլավի առողջապահության նախարարությունը։
«Վերջին 24 ժամվա ընթացքում Գազայի հիվանդանոցներ է տեղափոխվել 70 դիակ, ևս 189-ը վիրավորվել է», - ասվում է նախարարության Telegram ալիքում հրապարակված հաղորդագրության մեջ: 2023 թվականի հոկտեմբերից ի վեր Գազայի հատվածում զոհերի ընդհանուր թիվը հասել է 54,677-ի, իսկ վիրավորների թիվը՝ 125,530-ի, հավելել է անկլավի առողջապահության նախարարությունը:
Պաղեստինյան ՀԱՄԱՍ շարժումը նաև հայտնել է, որ իսրայելական անօդաչու թռչող սարքը հինգշաբթի առավոտյան հարվածել է լրագրողների խմբին Գազայի հատվածի մայրաքաղաքում, որի հետևանքով զոհվել են տեղական հեռուստաընկերության երեք աշխատակիցներ։
Մարտի 18-ին Իսրայելի բանակը վերսկսեց ռազմական գործողությունները Գազայի հատվածում՝ սկսելով զանգվածային հարվածներ անկլավի դեմ և այդպիսով խաթարելով այս տարվա հունվարին հաստատված հրադադարը։
