ԱՄՆ առաջնորդ Դոնալդ Թրամփը երկուշաբթի օրվանից արգելել է 12 երկրների քաղաքացիների մուտքը Միացյալ Նահանգներ և մասնակի սահմանափակումներ է սահմանել ևս յոթ երկրների բնակիչների համար։ Այս մասին ասվում է Սպիտակ տան կողմից տարածված նախագահական հռչակագրի տեքստում։Լրիվ արգելքը կտարածվի Աֆղանստանի, Հայիթիի, Իրանի, Եմենի, Լիբիայի, Մյանմայի, Կոնգոյի Հանրապետության, Սոմալիի, Սուդանի, Չադի, Հասարակածային Գվինեայի և Էրիթրեայի քաղաքացիների վրա։
Սահմանափակումները ուժի մեջ կմտնեն երկուշաբթի՝ հունիսի 9-ին, արևելյան ժամանակով 00:01-ին (Մոսկվայի ժամանակով՝ ժամը 07:01-ին)։Բացի այդ, մասնակի սահմանափակումներ կկիրառվեն Բուրունդիի, Վենեսուելայի, Կուբայի, Լաոսի, Սիեռա Լեոնեի, Տոգոյի և Թուրքմենստանի քաղաքացիների նկատմամբ: Սահմանափակումները կվերաբերեն այս երկրներից յուրաքանչյուրի համար նախատեսված որոշակի տեսակի վիզաների դեպքում:
Փաստաթղթում նշվում է, որ այս հրամանագրի ուժի մեջ մտնելուց առաջ տրված վիզաները կմնան ուժի մեջ։
