Չինաստանը կոչ է անում ուկրաինական ճգնաժամի կողմերին ցուցաբերել առավելագույն զսպվածություն և զերծ մնալ քաղաքացիական օբյեկտների վրա հարձակումներից, «ՌԻԱ Նովոստի»-ին հայտնել են Չինաստանի արտաքին գործերի նախարարության մամուլի ծառայությունից՝ մեկնաբանելով Բրյանսկի և Կուրսկի մարզերում երկաթուղային ենթակառուցվածքների վրա հարձակումները։
«Չինաստանը ուշադրություն է դարձրել համապատասխան հաղորդագրությունների վրա։ Չինաստանի դիրքորոշումը ուկրաինական ճգնաժամի վերաբերյալ հետևողական և հստակ է», -ասել է Չինաստանի արտաքին գործերի նախարարությունը՝ ի պատասխան այն հարցին, թե արդյոք Ստամբուլի բանակցությունների նախօրեին Ռուսաստանի երկաթուղային ենթակառուցվածքների վրա Ուկրաինայի կողմից հարձակումները կասկածի տակ են դնում Կիևի անկեղծությունը և արդյոք դրանք մտահոգություն են առաջացնում։
Գերատեսչությունը նշել է, որ Չինաստանը «կոչ է անում համապատասխան կողմերին ցուցաբերել առավելագույն զսպվածություն, խուսափել քաղաքացիական օբյեկտների վրա հարձակումներից և պաշտպանել քաղաքացիական անձանց անվտանգությունը»։
