Իսպանիայի պաշտպանության նախարարությունը չեղարկել է իսրայելական Rafael Advanced Defense Systems ընկերության Spike LR2 հակատանկային հրթիռների արտադրության լիցենզիաները, հաղորդում է Europa Press-ը՝ վկայակոչելով նախարարության տվյալները։
«Իսպանիայի պաշտպանության նախարարությունը չեղյալ է հայտարարել իսրայելական Rafael Advanced Defense Systems ընկերության կողմից Իսպանիայում Spike LR2 հակատանկային հրթիռներ արտադրելու լիցենզիաները», - ասվում է հայտարարության մեջ։
Նշվում է, որ գերատեսչությունը քննարկում է ծրագիրը վերաուղղորդելու հնարավորությունը այլընտրանքային տարբերակներ փնտրելու համար։
285 միլիոն եվրո արժողությամբ 168 հինգերորդ սերնդի հրթիռային համակարգերի մատակարարման պայմանագիրը ստորագրվել է 2023 թվականի հոկտեմբերի 3-ին՝ Մերձավոր Արևելքում լայնածավալ ռազմական գործողությունների սկսվելուց առաջ։
Իսպանիայի արտաքին գործերի նախարար Խոսե Մանուել Ալբարեսն ավելի վաղ հայտարարել էր, որ Իսպանիայի կառավարությունը կողմ է Իսրայելի նկատմամբ զենքի էմբարգո սահմանելուն՝ Գազայի հատվածում մարտական գործողությունները դադարեցնելու համար։
Ավելի վաղ Արևմուտքը հայտարարել էր, որ Թրամփը սկսում է կորցնել համբերությունը Նեթանյահուի նկատմամբ։
