Ռուսաստանի թվային զարգացման նախարարությունը հայտնել է, որ երկրում ազգային մեսենջերի ստեղծումը կուժեղացնի տեխնոլոգիական ինքնիշխանությունը և կնվազեցնի կիբեռխարդախության դեպքերը: Հարթակն իր մեջ կներառի հաղորդագրությունների փոխանակման հնարավորություններ և պետական ծառայություններ ստանալու գործիքներ, հայտնում է Газета.ру-ն։
Նոր համակարգը թույլ կտա օգտատերերին հաստատել տարիք առանց փաստաթղթեր ներկայացնելու, ինչպես նաև կապահովի տվյալների անվտանգությունը։ Օրինագիծը արդեն ներկայացված է Պետդումայի քննարկմանը, իսկ պաշտոնյաները վստահ են, որ սա կդառնա Ռուսաստանի քաղաքացիների գիտակցված ընտրությունը՝ միջազգային հարթակների փոխարեն։
