ԱՄՆ նախագահ Դոնալդ Թրամփը պնդում է, որ Ռուսաստանը և Ուկրաինան ավարտել են գերիների փոխանակման մասին համաձայնագիրը, այս մասին նա գրել է Truth Social սոցիալական ցանցում։
«Ռուսաստանի և Ուկրաինայի միջև կնքվել է խոշոր գերիների փոխանակում։ Այն շուտով ուժի մեջ կմտնի։ Շնորհավորում եմ երկու կողմերին էլ այս բանակցությունների կապակցությամբ։ Սա կարող է հանգեցնել ինչ-որ մեծ բանի», - ասել է Սպիտակ տան ղեկավարը։
Ռուսաստանի և Ուկրաինայի միջև վերջին երեք տարվա ընթացքում առաջին բանակցությունների արդյունքում ձեռք է բերվել 1000-ի դիմաց 1000 գերի փոխանակելու մասին համաձայնագիր։ Հանդիպումը տեղի է ունեցել մայիսի 16-ին Ստամբուլում՝ նախագահ Վլադիմիր Պուտինի առաջարկով։
Այս առաջարկը ներկայացնելիս պետության ղեկավարը չի բացառել, որ համապատասխան քննարկումների ընթացքում կողմերը կարող են համաձայնության գալ հրադադարի վերաբերյալ։
