Լեհաստանի նախագահի թեկնածու ընդդիմադիր «Իրավունք և արդարություն» կուսակցությունից Կարոլ Նավրոցկին խոստացել է լեհական զորքեր չուղարկել Ուկրաինա, նույնիսկ եթե ԱՄՆ նախագահ Դոնալդ Թրամփը դա խնդրի իրենից։
«Ես լեհական զորքեր չեմ ուղարկի Ուկրաինա: Լեհական զորքերը պետք է պաշտպանեն Լեհաստանը»,- նա պատասխանել է ծայրահեղ աջ «Կոնֆեդերացիայի» քաղաքական գործիչ Սլավոմիր Մենցենի հարցին, ով Լեհաստանում նախագահական ընտրությունների առաջին փուլում 14,8 տոկոսով զբաղեցրել է երրորդ տեղը։
«ՆԱՏՕ-ի դաշինքի պարտավորությունները մեզ չեն պարտավորեցնում զորքեր ուղարկել Ուկրաինա, քանի որ Ուկրաինան ՆԱՏՕ-ի մաս չէ: Եթե նման խնդրանք ստացվեր Դոնալդ Թրամփից, ես այս տոնով կպատասխանեի»,- հավելել է Նավրոցկին։
Ավելի վաղ Ուկրաինայի հարցով ԱՄՆ նախագահի հատուկ բանագնաց Քիթ Քելլոգը հայտարարել էր, որ Միացյալ Նահանգներն իր դաշնակիցների հետ քննարկում է Ուկրաինայի հակամարտության կարգավորման ծրագիր, ըստ որի՝ Դնեպրից արևմուտք կտեղակայվեն զսպիչ ուժեր, որոնք կներառեն չորս եվրոպական երկրներից՝ Մեծ Բրիտանիայից, Ֆրանսիայից, Գերմանիայից և Լեհաստանից։
