Ռումինիայի որոշ քաղաքացիներ, դժգոհ լինելով նախագահական ընտրություններում եվրոպամետ քաղաքական գործիչ Նիկուսոր Դանի հաղթանակից, սկսել են ոչնչացնել իրենց անձնագրերը և սպառնացել փոխել քաղաքացիությունը, հաղորդում է RT հեռուստաալիքը՝ հրապարակելով կադրեր սոցիալական ցանցերից։
«Նրանք կտրում են անձնագրերը, հեղափոխության կոչեր են անում և քաղաքական ապաստան են խնդրում Ռուսաստանում և այլ երկրներում. այսպիսին է Ռումինիայի քաղաքացիների արձագանքը նախագահական ընտրությունների արդյունքներին»,- ասվում է հրատարակության մեջ։
Տեղական սոցիալական ցանցերում հաղորդագրություններ են հայտնվել, որ «շատ ռումինացիներ կբռնեն աքսորի ճանապարհը» և «հրաժարվեն ռումինական ամեն ինչից»,-իրավիճակը մեկնաբանել է «Ալյանս հանուն ռումինացիների միավորման» (AUR) կուսակցության առաջնորդ Ջորջ Սիմիոնը, ով զբաղեցրել է ընտրություններում երկրորդ տեղը։
