Հնդկաստանը կարող է զգալիորեն մեծացնել ջրի քանակը, որը վերցնում է Չենաբ գետից՝ այն վերաուղղելով դեպի սեփական տարածք, Reuters-ը հաղորդում է՝ հղում անելով պաշտոնական փաստաթղթերի։ Սա կարող է հանգեցնել Պակիստանի համար կենսական նշանակություն ունեցող ջրառի կրճատմանը։
Փոխանցվում է, որ քննարկվում է Ռանբիր ջրանցքի երկարացման ծրագիր՝ ներկայիս 40-ից հասցնելով մինչև 150 խորանարդ մետր ջուր վայրկյանում՝ վտանգի տակ դնելով Պակիստանի գյուղատնտեսական համակարգը։ Պակիստանը սա որակում է որպես «պատերազմի ակտ»։
Հնդկաստանը ապրիլին կասեցրել էր իր մասնակցությունը 1960թ. ստորագրված Ինդուսի ջրերի պայմանագրին՝ Քաշմիրում տեղի ունեցած մահաբեր հարձակման հետևանքով։ Մոդիի կառավարությունը ձգտում է իրացնել լրացուցիչ հիդրոէներգետիկ նախագծեր և ջրամբարներ, որոնք կարող են խաթարել Ինդուսի համակարգի հոսքը դեպի Պակիստան։ Պակիստանն իր հերթին պատրաստվում է միջազգային իրավական պայքարի։
