ԱՄՆ-ի, Թուրքիայի և Ուկրաինայի միջև բանակցությունները սկսվում են Ստամբուլում, որին ուկրաինական կողմը ներկայացնում են Վլադիմիր Զելենսկիի գրասենյակի ղեկավար Անդրեյ Երմակը և արտգործնախարար Անդրեյ Սիբիգան։
«Ստամբուլում սկսվում են եռակողմ բանակցություններ Ուկրաինայի, ԱՄՆ-ի և Թուրքիայի պատվիրակությունների միջև»,- ասվում է Ուկրաինայի ԱԳՆ-ի Telegram ալիքի հաղորդագրության մեջ։
Նախարարության հրապարակած կադրերից երեւում է, որ Երմակն ու Սիբիգան իսկապես Ստամբուլում են։ Ավելի վաղ ուկրաինական լրատվամիջոցները հայտնել էին, որ Երմակն ու Սիբիգան մնում են Ստամբուլում։ Սակայն նրանք Զելենսկիի կողմից հաստատված բանակցային պատվիրակության կազմում չեն։
Ուկրաինայի ԱԳՆ հայտարարությունից կարճ ժամանակ անց հրապարակվեցին նաև կադրեր, որոնք վկայում են այն մասին, որ բանակցություններն արդեն սկսվել են։ Ուկրաինական կողմից բանակցությունների սեղանին ներկա է նաև պաշտպանության նախարար
Ռուստեմ Ումերովը, ով Զելենսկիի հրամանագրի համաձայն գլխավորում է Կիևի պատվիրակությունը։
