Թուրքիայի նախագահ Ռեջեփ Թայիփ Էրդողանը կոչ կանի Վլադիմիր Զելենսկիի հետ հանդիպման պահին ժամանակ չկորցնել և հրադադարի համաձայնություն ձեռք բերել, հայտնում է Թուրքիայի ղեկավարի վարչակազմը։
Էրդողանը «կքննարկի ռուս-ուկրաինական հակամարտության վերջին զարգացումների բոլոր ասպեկտները»,-ասել է Թուրքիայի նախագահի հաղորդակցության բաժնի ղեկավար Ֆահրեթին Ալթունը։
«Մեր նախագահը երկկողմ հանդիպումներում և պատվիրակությունների միջև հանդիպումներում կընդգծի մեր երկրի մոտեցման կարևորությունը՝ նպաստելու խաղաղ բանակցությունների մեկնարկին և առանց ժամանակ կորցնելու հրադադարի», - ասել է Ալթունը։
Ռուսաստանի նախագահ Վլադիմիր Պուտինը ավելի վաղ առաջարկել էր Ուկրաինային վերսկսել ուղիղ բանակցություններն առանց նախապայմանների Ստամբուլում մայիսի 15-ին։
