Իսրայելի հարվածները Գազայի հատվածին ցույց են տալիս հրեական պետության անհետաքրքրությունը հրադադարի հարցում: Այս մասին CNN International-ին տված հարցազրույցում հայտարարել է Կատարի վարչապետ և արտաքին գործերի նախարար Մուհամեդ բեն Աբդուլ Ռահման Ալ Թանին։ «Սա, ըստ էության, խոսում է բանակցություններ վարելու նկատմամբ հետաքրքրության պակասի մասին։
Մենք համագործակցում ենք երկու կողմերի հետ և հույս ունենք առաջընթացի, բայց ես վստահ չեմ, որ շուտով առաջընթաց կտեսնենք, քանի դեռ Իսրայելի մոտեցումը չի փոխվել»,-ասել է նա անկլավի վերջին ռմբակոծության մասին:
Մեկնաբանելով ԱՄՆ-ի առաջարկը՝ մասնավոր հիմնադրամի միջոցով մարդասիրական օգնություն հասցնել անկլավ՝ Կատարի վարչապետն ասել է, որ «նման պլանի անհրաժեշտություն չի տեսնում» և փոխարենը կոչ է արել «ապահովել ՄԱԿ-ի պաշտպանությունը և թույլ տալ կազմակերպությանը մարդասիրական օգնություն հասցնել Գազայի ժողովրդին»։
