Կրեմլը դեռ չի հրապարակել ռուսական պատվիրակության կազմը, որը կմասնակցի հինգշաբթի Ստամբուլում կայանալիք բանակցություններին, հայտարարել է ՌԴ նախագահի մամուլի քարտուղար Դմիտրի Պեսկովը։
«Ոչ, այս առումով ոչինչ չի փոխվել, մենք դա կանենք, երբ նախագահից համապատասխան հանձնարարականներ ստանանք: Նման հանձնարարական դեռ չի եղել»,- լրագրողներին ասել է Պեսկովը՝ պատասխանելով Ստամբուլում բանակցություններում ռուսական պատվիրակության կազմի մասին հարցին։
Ռուսաստանի նախագահ Վլադիմիր Պուտինը ավելի վաղ առաջարկել էր Ուկրաինային վերսկսել ուղիղ բանակցությունները՝ առանց նախապայմանների մայիսի 15-ին Ստամբուլում։ Պետության ղեկավարը չի բացառել, որ համապատասխան բանակցությունների ընթացքում կողմերը կարող են համաձայնության գալ հրադադարի շուրջ։
