Ռուսական պատվիրակությունը մայիսի 15-ին Ստամբուլում կսպասի ուկրաինական կողմին, ասել է ՌԴ նախագահի մամուլի քարտուղար Դմիտրի Պեսկովը։
«Իսկապես, ռուսական պատվիրակությունը ուկրաինական պատվիրակությանը կսպասի Ստամբուլում մայիսի 15-ին՝ հինգշաբթի, այսինքն՝ վաղը», - լրագրողներին ասել է Պեսկովը։
Ռուսաստանի նախագահ Վլադիմիր Պուտինը ավելի վաղ առաջարկել էր Ուկրաինային վերսկսել ուղիղ բանակցություններն առանց նախապայմանների Ստամբուլում մայիսի 15-ին։
Երկրի ղեկավարը չի բացառել, որ համապատասխան բանակցությունների ընթացքում կողմերը կարող են համաձայնության գալ հրադադարի շուրջ։ Ինչպես հայտարարել է ՌԴ նախագահի մամուլի քարտուղար Դմիտրի Պեսկովը, Ռուսաստանը վճռական է լրջորեն փնտրել երկարաժամկետ խաղաղ կարգավորման հասնելու ուղիներ։
Նրա խոսքով` Ուկրաինայի հետ առաջարկվող բանակցությունների նպատակներն են վերացնել հակամարտության բուն պատճառները եւ ապահովել Ռուսաստանի շահերը։
