ՌԴ-ում միգրանտների ժամանակավոր կացության քվոտան 2025 թվականի համար գրեթե կիսով չափ կրճատվել է

16.10.2024 12:06 | Կատեգորիա Համաշխարհային

ՌԴ կառավարությունը հաստատել է 2025 թվականին Ռուսաստանի Դաշնությունում օտարերկրացիների ժամանակավոր կացության քվոտան՝ այդ թիվը նվազեցնելով մինչև 5500-ի։ «Արմենպրես»-ի փոխանցմամբ՝ այս մասին հաղորդում է ՏԱՍՍ-ը։

«2025 թվական համար սահմանել Ռուսաստանի Դաշնությունում օտարերկրյա քաղաքացիներին և քաղաքացիություն չունեցող անձանց 5500 ժամանակավոր կացության թույլտվության տրամադրման քվոտա՝ բաշխելով ըստ սուբյեկտների», - ասված է հրամանում։

2024 թվականին այդ քվոտան կազմել է 10 595, այսինքն՝ հաջորդ տարվա համար այն կրճատվում է գրեթե կիսով չափ։ Թույլտվությունների ամբողջ ծավալը կբաշխվի Ռուսաստանի տարածաշրջանների միջև՝ նրանց հայտերին համապատասխան։

Ամենամեծ թվով թույլտվություններ ավանդաբար ստանում են Մոսկվան և Մոսկվայի մարզը. 2025 թվականին դա համապատասխանաբար 1000 է և 350 (2024 թվականին՝ 1500 և 750): Սանկտ Պետերբուրգում կտրվի ժամանակավոր կացության 200 թույլտվություն՝ 2024 թվականի 300-ի փոխարեն։ Թաթարստանը և Բաշկիրիան, որոնք 2023 թվականին ունեին 500-ական թույլտվություն, իսկ 2024 թվականին՝ 250-ական, 2025 թվականին կստանան միայն 100 թույլտվություն։

Վերջին հինգ տարում քվոտայի չափը տարեցտարի նվազում է. 2023 թվականին ՌԴ նախարարների կաբինետը տվել է 13 500 կացության թույլտվություն, 2022 թվականին՝ մոտ 19 000, 2021 թվականին՝ ավելի քան 39 000: Ինչպես նշված է կից նյութերում, տարածաշրջաններն օգտագործում են սահմանված քվոտայի ընդամենը փոքր մասը. 2024 թվականի յոթ ամսում, ըստ Ռուսաստանի ներքին գործերի նախարարության տվյալների, գործածվել է սահմանված թվի միայն 20,4 %-ը։

Քվոտան, այդ թվում 2025 թվականի համար, որոշվում է Ռուսաստանի Դաշնության սուբյեկտներից ստացված առաջարկների հիման վրա, որոնք պատրաստվում են յուրաքանչյուր տարածաշրջանում միգրացիոն իրավիճակի և տնտեսական դրության վերլուծության արդյունքներով: Կառավարությունը լրացուցիչ սահմանում է քվոտայի պահուստ, որը նույնպես բաշխվում է Դաշնության սուբյեկտների միջև. 2025 թվականին այդ թիվը կկազմի 1650՝ 2024 թվականի 3178-ի համեմատ:

Ամենաշատ կարդացվածներ

Նիկոլի դատախազի ու իշխանության սրտի դատավոր Ֆարխոյանի որոշմամբ Արթուր Սարգսյանի տնային կալանքը 2 ամիս եւս երկարաձգվեց. Մանուկյան

03.09.2026 23:37 | Կատեգորիա Քաղաքական

ՌԴ ՊՆ-ն հաղորդագրություն է տարածել

04.09.2026 00:29 | Կատեգորիա Համաշխարհային

Գոռ Հակոբյանը հրապարակել է քայլակով տեղաշարժվող որդու լուսանկարները

03.09.2026 22:07 | Կատեգորիա Հասարակություն

Զովաբերում 220 վոլտ լարումով ձուկ որսալու հետևանքով 28-ամյա տղամարդը հոսանքահարվել ու մահացել է, իսկ 27-ամյա տղամարդը տեղափոխվել է հիվանդանոց

03.09.2026 21:27 | Կատեգորիա Պատահարներ

Մեդվեդևը Գերմանիային կոչ է արել Ռուսաստանի հետ առճակատման չգնալ

03.09.2026 21:16 | Կատեգորիա Համաշխարհային

Պուտինը հենց իր դեմքով է դուրս եկել Փաշինյանի դեմ․ նրան «կանչել են» Մոսկվա (տեսանյութ)

03.09.2026 21:38 | Կատեգորիա Քաղաքական

Հայաստանում քաղաքացուն դոֆամին են տալիս, որ քաղաքականությամբ չզբաղվի․ Իշխանյան (տեսանյութ)

03.09.2026 20:34 | Կատեգորիա Քաղաքական

Լայնածավալ խափանում նեյրոցանցերի աշխատանքում

03.09.2026 19:47 | Կատեգորիա Համաշխարհային

Նարեկ Նալբանդյան, շնորհավորում եմ, ձեզ օգտագործեցին, շուտով կգան ձեր հետևից էլ․ Նինա Կարապետյանց (Տեսանյութ)

03.09.2026 22:35 | Կատեգորիա Քաղաքական

ՈՒՂԻՂ