Չինաստանը դեմ է Գազայի հատվածում Իսրայելի ռազմական գործողությունների շարունակմանը և հուսով է, որ կողմերն արդյունավետորեն կկատարեն հրադադարի մասին համաձայնագիրը, երեքշաբթի ճեպազրույցում ասել է Չինաստանի ԱԳՆ խոսնակ Լին Ցզյանը։
Երկուշաբթի ավելի վաղ Իսրայելի ռազմաքաղաքական կաբինետը միաձայն հավանություն տվեց Գազայի հատվածում գործողության ընդլայնման ծրագրին, որը ներառում է տարածքների գրավում և պահպանում, բնակչության անվտանգ տարածքներ տեղափոխում և պաղեստինյան արմատականների դեմ զանգվածային հարվածներ։
«Չինաստանը հատուկ ուշադրություն է դարձնում Պաղեստինի և Իսրայելի միջև առկա իրավիճակին և դեմ է Գազայի հատվածում Իսրայելի ռազմական գործողության շարունակմանը»,- ասել է դիվանագետը։
