Իսրայելական իրավապաշտպան Gisha, B'Tselem և այլ կազմակերպությունները մեղադրել են իսրայելական իշխանություններին Գազայի հյուսիսի բնակիչներին սովով սպառնալու մեջ։ Այս մասին հայտնում է NPR-ը:
Ըստ այդ տեղեկությունների՝ Գիշան, Բ'Ցելեմը և այլ իրավապաշտպան կազմակերպությունները պնդում են, որ Իսրայելն իրականացնում է «սովի կամ հեռանալու» քաղաքականություն։
ՄԱԿ-ի պաշտոնյաները կարծում են, որ սպառվում է նաև հիվանդանոցային գեներատորների, հացթուխների, շտապօգնության մեքենաների և ջրակայանների համար անհրաժեշտ վառելիքը։
«Իրավիճակը հյուսիսային Գազայի հատվածում նման է աղետի, այնտեղ ապահով տեղ, պարզապես, չկա»,- Մերձավոր Արևելքում Պաղեստինի փախստականների օգնության և աշխատանքների գործակալության (UNRWA) ներկայացուցիչ Ջոնաթան Ֆաուլերըի խոսքերն է մեջբերում NPR-ը, միաժամանակ, ընդգծում է, որ իսրայելական զինվորականները հերքում են, որ Իսրայելը միտումնավոր արգելափակում է Գազայի հյուսիսային հատված սննդամթերքի մատակարարումը:
