Չինաստանը վառելիքի բաքերի նախատիպ է ստեղծել իր ապագա գերծանր հրթիռների համար՝ այն անվանելով հրթիռային ոլորտում առաջընթաց, հայտնում է SpaceNews-ը։
«Այս նախատիպի հաջողությունը մեծ առաջընթաց է նշանավորում ծանր հրթիռների համար չափազանց մեծ տրամագծով չժանգոտվող պողպատից բաքերի մշակման գործում», - ասվում է չինացի մշակող China Academy of Launch Vehicle Technology (CALT) հայտարարության մեջ, որը մեջբերում է հրատարակությունը:
Խոսքը, մասնավորապես, 10,6 մետր տրամագծով, ինը մետր բարձրությամբ չժանգոտվող պողպատից վառելիքի բաքի մասին է։ Դա Չինաստանի բազմակի օգտագործման գերծանր հրթիռի՝ Long March 9-ի մշակման մի մասն է, որը չինացիները ցանկանում են օգտագործել լուսնային և Մարս առաքելությունների համար: Չինացի ծրագրավորողների խոսքով՝ բաքը արտադրվել է թվային տեխնոլոգիայով ընդամենը երկու ամսում։
Ավելի վաղ Չինաստանի օդաչուավոր տիեզերական վարչությունը (CMSA) հայտարարել էր Չինաստանի պլանների մասին մինչև 2030 թվականը տիեզերագնացներ վայրէջք կատարելու Լուսնի մակերեսին:
Նրանք կկարողանան ոչ միայն շարժվել Լուսնի մակերևույթի երկայնքով, այլև կատարել գիտական փորձեր և հետազոտություններ։
