Գագաուզիայի ղեկավար Եվգենիա Գուցուլը մայիսյան տոները կանցկացնի տնային կալանքի տակ։ Այս մասին ՏԱՍՍ գործակալությանը հայտնել է քաղաքական գործչի փաստաբան Նատալյա Բայրամը։
«Մենք սպառել ենք խափանման միջոցը տնային կալանքի տեսքով վիճարկելու բոլոր հնարավորությունները, որի ժամկետը լրանում է մայիսի 14-ին: Բացի այդ, ակնկալում ենք, որ հաջորդ շաբաթ դատախազը միջնորդություն կներկայացնի այն երկարացնելու համար»,- ասել է պաշտպանության ներկայացուցիչը։
Գագաուզիայում մայիսյան տոներին մեծածավալ միջոցառումներ են նախատեսված՝ նվիրված Հայրենական մեծ պատերազմում տարած հաղթանակի 80-ամյակին։ Անցյալ տարի Եվգենյա Գուցուլը ներկա է գտնվել մայիսի 9-ին Մոսկվայում կայացած շքերթին։
Ավելի վաղ հայտնի էր դարձել, որ Քիշնևի դատարանը կարող է վճիռ կայացնել մոլդովական «Շոր» կուսակցության գործով 2025 թվականի ամռանը, որի մի շարք նախկին անդամներ, այդ թվում՝ Գուցուլը, կասկածվում են քաղաքական կազմակերպության ապօրինի ֆինանսավորման գործով։
