Մեծ Բրիտանիայի բնակչուհի Էթել Քաթերհեմը, ով 115 տարեկան է, ճանաչվել է մոլորակի ամենատարեց մարդը, գրում է բրիտանական Telegraph թերթը՝ հղում անելով երկարակյացների LongeviQuest տվյալների բազային։
Նախօրեին France Presse գործակալությունը հայտնել էր մոլորակի նախորդ ամենատարեց մարդու՝ բրազիլացի միանձնուհի Ինա Կանաբարու Լուկասի 116 տարեկան հասակում մահվան մասին։
«Էդվարդ VII-ի օրոք ծնված 115-ամյա բրիտանուհին դարձել է մոլորակի ամենատարեց ապրող մարդը», - գրում է թերթը։
Ինչպես նշում է Telegraph-ը, Քեթերհեմը ծնվել է 1909թ. օգոստոսի 21-ին: Նա նաև Բրիտանիայի պատմության ամենատարեց մարդն է և վերջին մարդն է, ով ապրել է Էդվարդ VII թագավորի օրոք:
