Ճապոնիայի Օսակա քաղաքում մի խումբ դպրոցականների վրաերթի ենթարկած 28-ամյա վարորդը խոստովանել է, որ ցանկացել է սպանել նրանց, հայտնում է Kyodo գործակալությունը։
«Ես ամեն ինչից զզվել էի, ուզում էի իմ մեքենայով վրաերթի ենթարկել դպրոցականներին ու սպանել նրանց»,- ոստիկանությանը տված նրա խոստովանությունը մեջբերում է Kyodo գործակալությունը։
Տղամարդը ձերբակալվել է սպանության փորձ կատարելու կասկածանքով։
Ավելի վաղ NHK-ն հայտնել էր, որ մեքենան հարվածել է մի խումբ երեխաների, երբ նրանք դուրս էին գալիս դպրոցից։ Յոթ մարդ ստացել է տարբեր ծանրության վնասվածքներ։ Նրանք բոլորը գիտակից են:
