ԱՄՆ-ը, Ուկրաինայի հետ բնական ռեսուրսների վերաբերյալ համաձայնագիր ստորագրելուց հետո, մտադիր է 50 մլն դոլար արժողությամբ Կիևին զենք վաճառել։ Այս մասին հայտնում է ուկրաինական Kyiv Post թերթը՝ վկայակոչելով աղբյուրներին։
Առաքումը կիրականացվի ուղղակի վաճառքի միջոցով։
Ինչպես նշում է հրատարակությունը, սա նման գործողության առաջին թույլտվությունն է Դոնալդ Թրամփի՝ ԱՄՆ նախագահի պաշտոնը ստանձնելուց հետո։
Ի տարբերություն նախորդ օգնության, նոր առաքումները կիրականացվեն կոմերցիոն հիմունքներով: Հրատարակությունը չի հստակեցնում, թե արդյոք այս դեպքում կկիրառվի օգտակար հանածոների վերաբերյալ գործարքի մեխանիզմը, որը թույլ է տալիս ռազմական օգնությունը համարել որպես ԱՄՆ ներդրում Ուկրաինայի հետ ընդհանուր ներդրումային հիմնադրամում։
Զենքի կոնկրետ տեսակները, որոնք, ենթադրաբար, պետք է տեղափոխվեն Կիև, չեն նշվում։
ԱՄՆ-ը և Ուկրաինան մայիսի 1-ի գիշերը բնական ռեսուրսների վերաբերյալ համաձայնագիր են ստորագրել, որի ամբողջական տեքստը դեռ չի հրապարակվել։
