Սրբազան պայքարի ներկայացուցիչները փողոցում ընդհարում են ունեցել ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանի տարեց մոր հետ:
Այս մասին «Ֆեյսբուք»-ի իր էջում հայտնում է Ալեքսանյանը՝ կատարվածը որակելով զազրելի:
«Վարչական շրջաններից մեկում, որտեղ ես եմ բնակվում, մայրս է բնակվում, ակցիա են անում Քոչարյանի հերթական ձեռնասուն իբր պայքարի ներկայացուցիչները և պատահմամբ հանդիպում են խանութից վերադարձող մորս, 70-ն անց, հաշմանդամություն ունեցող մի կնոջ, ու թևից քաշելով ստիպում են, որ ստորագրի վարչապետին անվստահություն հայտնելու հերթական զառանցանքի տակ:
Մայրս փորձում է շատ գրագետ բացատրել, թե ինչու է նրանց արածը հիմարություն:
Ինչ-որ պահից հասկանում են, որ իմ մայրն է և 6-7 հոգի շրջափակում են, սկսում ինչ-որ ձայներ հանել, վիրավորել ինձ մորս մոտ, հունից հանել նրան, նկարահանել, ինչ-որ սկանդալ ստանալու համար»,- պատմել է Ալեքսանյանը:
Տեսանյությում պատգամավորը մանրամասնել է տեղի ունեցածը՝ տեղեկացնելով, որ կատարվածի քաղաքական պատասխանը բոլորը ստանալու են, և այնպես, որ շատ են փոշմանելու:
Առավել մանրամասն՝ տեսանյութում:
