Պակիստանը ուժեղացրել է զորքերի պատրաստությունը Քաշմիրում Հնդկաստանի հետ վերահսկման գծի (LoC) սահմանի երկայնքով՝ ռազմական լարվածության աճի ֆոնին: Այս մասին հայտնում է The Economic Times-ը։
Պակիստանը հակաօդային պաշտպանության և էլեկտրոնային պատերազմի միջոցներ է տեղակայել վերահսկողության գծի Սիալկոտ հատվածում դիրքեր առաջ տանելու համար: Բանակը վերադասավորել է տանկային և հետևակային դիվիզիաները, ինչպես նաև զորամասերի ինտենսիվ զորավարժությունները։
Պակիստանի վարչապետ Շեհբազ Շարիֆը երեքշաբթի օրը ՄԱԿ-ի գլխավոր քարտուղար Անտոնիո Գուտերեշի հետ հեռախոսազրույցում հերքել է Իսլամաբադի մասնակցությունը Հնդկաստանի կողմից կառավարվող Քաշմիրի Պահալգամ շրջանում տեղի ունեցած ահաբեկչությանը, որի հետևանքով զոհվել է 26 մարդ:
«Ես կրկնեցի Պակիստանի կողմից ահաբեկչությունն իր բոլոր ձևերով դատապարտելը, մերժեցի Հնդկաստանի անհիմն մեղադրանքները և կոչ արեցի թափանցիկ և չեզոք հետաքննել Փահալգամի միջադեպը», - գրել է Իսլամական Հանրապետության կառավարության ղեկավարը սոցցանցի իր էջում։
