Հունգարիայի միապալատ խորհրդարանը հաստատել է Միջազգային քրեական դատարանից (ՄՔԴ) երկրի դուրս գալու մասին օրինագիծը: Քվեարկության ժամանակ, որը հեռարձակվել է օրենսդիր մարմնի կայքում, պատգամավորների ավելի քան երկու երրորդը հանդես է եկել համապատասխան փաստաթղթի օգտին։
Փաստաթուղթը խորհրդարանում ներկայացնելով՝ Հունգարիայի արտգործնախարար Պետեր Սիյարտոն ասել է, որ վերջին տարիներին ՄՔԴ-ն խիստ քաղաքականացվել է և սկսել է օգտագործվել տարբեր պետությունների կողմից՝ միջազգային հակամարտություններում իրենց նպատակներին հասնելու համար։ «Հունգարիան կարծում է, որ քաղաքականությունն ու աշխարհաքաղաքականությունը տեղ չունեն միջազգային կազմակերպություններում»,- ասել է նախարարը։
Հունգարիայի կառավարությունը ՄՔԴ-ից երկրի դուրս գալու մասին հայտարարեց ապրիլի սկզբին։
Անցյալ նոյեմբերին ՄՔԴ-ն նրա նկատմամբ ձերբակալության օրդեր արձակեց Պաղեստինում ռազմական հանցագործությունների և մարդկության դեմ հանցագործությունների մեղադրանքով: Հունգարիայի վարչապետ Վիկտոր Օրբանն այդ որոշումը անվանել է «անհեթեթ և ամոթալի»:
