Նիկոլ Փաշինյանի կինը՝ Աննա Հակոբյանը գրել է. «Կրթվելը նորաձև է շարժումը և այն գաղափարը, որ դրված է շարժման հիմքում հազարավոր մարդկանց շրջանում մեծ ըմբռնում և աջակցություն է վայելում։Իսկ գաղափարը մեկն է՝ բոլորս պետք է մշտապես կասկածենք մեր իմացածին և պետք է մշտապես կրթվենք։Մենք ունենք սակայն մոտ 50 չարացած և ագրեսիվ հայրենակից, ովքեր մեզանում դեռև շատ ԲԱՐՁՐ են պահում ՏԳԻՏՈՒԹՅԱՆ պատիվը։Ինչպե՞ս։ Շատ հեշտ։
Դրա համար մեծ ջանք պետք չի։ Ընդամենը՝ ասում ես ինչ խելքիդ փչի։ Մեկնաբանում ես՝ ինչպես խելքիդ փչի։ Հանրային խոսքիդ սահմաններն անցնում ես ինչքան խելքիդ փչի։Եւ որ ամենակարևորն է՝ փաստերի և իրականության հետ հարաբերություններում հասնում ես նախանձելի իդիլիայի, որովհետև աչքդ չի տեսնում, ականջդ չի լսում, եւ դու մենակ ես մնում սեփական՝ իդիլիական տգիտության հետ։50-100 հոգի կարող են սա իրենց թույլ տալ։
Մենք՝ մնացած բոլորս, պետք է կրթվենք։ Պետք է կրթվենք ավելի գրագետ, ավելի բարի, ավելի հմուտ, ավելի պրոֆեսիոնալ, ավելի բարեկեցիկ և ավելի երջանիկ դառնալու համար»։
