ՄԱԿ-ի գլխավոր քարտուղարի տեղակալ և համաշխարհային կազմակերպության իրավական դեպարտամենտի ղեկավար Էլինոր Համարշյոլդը հայտարարել է, որ Իսրայելը խոչընդոտում է իր աշխատանքը պաղեստինյան տարածքներում, այդ թվում՝ սահմանափակելով վիզաները ՄԱԿ-ի անձնակազմի և Մերձավոր Արևելքում Պաղեստինի փախստականների օգնության և աշխատանքի գործակալության (UNRWA) աշխատակիցների համար:
«ՄԱԿ-ի աշխատակիցներին Իսրայելի կողմից վիզաների տրամադրման գործընթացը բախվում է ավելի մեծ սահմանափակումների և միջոցներ են ձեռնարկվում UNRWA-ի աշխատակիցների դեմ՝ կազմակերպության հանդեպ իրենց պարտականությունների պատճառով», - ասել է նա Արդարադատության միջազգային դատարանում պաղեստինյան օկուպացված տարածքների նկատմամբ Իսրայելի պարտավորությունների վերաբերյալ լսումների ժամանակ։
Համարշյոլդն ասել է, որ Իսրայելի կողմից «չարտոնված ներխուժում» է եղել UNRWA-ի պաղեստինցի երեխաների համար նախատեսված դպրոցներ։
Պաղեստինի օկուպացված տարածքների նկատմամբ Իսրայելի պարտավորությունների վերաբերյալ լսումները սկսվել են Արդարադատության միջազգային դատարանում և կշարունակվեն մինչև մայիսի 2-ը։ Ըստ մամուլի հաղորդագրության՝ դատարանը ստացել է ընդհանուր առմամբ 45 գրավոր հայտարարություն տարբեր երկրներից և միջազգային կազմակերպություններից։ Ռուսաստանը առաջին երկրներից էր, որ ներկայացրեց իր հայտը։
