Մարդիկ, ովքեր հիմար-հիմար դուրս են տալիս, մատը մատին չեն տվել Ցեղшսպանության ճանաչման թեմայի հետ կապված, նրանց չեմ մեկնաբանի։ Այս մասին Ծիծեռնակաբերդի հուշահամալիրում լրագրողների հետ զրույցում հայտարարեց ՀՀ երկրորդ նախագահ Ռոբերտ Քոչարյանը։
«Պատերազմի ժամանակ կրել ենք ծանր պարտություն, և իշխանությունն այդ պարտությունը շարունակական պրոցեսի է ենթարկել, անընդհատ, ավելի քան 4 տարի մենք գտնվում ենք այդ շրջանի մեջ՝ անընդհատ ինչ-որ բան զիջել, ինչ-որ բան տալ և այդպես շարունակաբար։ Դա ուղղակի մաշեցնող մի երևույթ է մեր ժողովրդի համար։ Իսկապես, շատ ծանր է և մաշեցնող, և միգուցե այս ֆոնի վրա Ցեղասպանության ուրացումը շատ ավելի ծանր ընկալում է ստանում շատ-շատերի մոտ»,-ասաց նա։
Լրագրողների այն դիտարկմանը, թե իշխանությունը կարծես թե մոռացման և ուրացման քաղաքականություն է վարում՝ մեջբերուվ նաև ՔՊ-ական պատգամավոր Արթուր Հովհաննիսյանի վերջին հայտարարություններից մեկը՝ թե Ցեղասպանության թեմային մոտ չգաք, երկրորդ նախագահն ասաց․ «Լու՞րջ, ես պետք է դա պարզաբանե՞մ։ Կարծում եմ՝ արտաքին քաղաքականության մեջ ճանաչման թեման հենց ես եմ մտցրել, և հենց իմ կառավարման շրջանում ամենից շատ երկրներ են ճանաչել Ցեղասպանությունը։ Մարդիկ, ովքեր մատը մատին չեն տվել այս հարցի հետ կապված և հիմար-հիմար դուրս են տալիս, պատրաստ չեմ մեկնաբանելու նրանց ասածները»։
